Italian - ItalyAlbanian-ALEnglish (United Kingdom)

Email Print

Evenimente

Event 

Title:
Shqiperi - Armeni
When:
29.03.2015 - 29.03.2015
Where:
Elbasan - Elbasan
Category:
Sport

Description

shqiperi armeniNe mbylljen e vitit qe kaloi Federata Shqiptare e Futbollit mori nje cmim nga Uefa ne lidhje me zhvillimin e brand-it te saj te ri. Saktesisht cmimi ishte ai i Creativity & Innovation (Krijimtari dhe Inovacion).

Ne ate rast, patem kenaqesine t’i shkelnim syrin te gjithe sportdashesve dhe dashamiresve qe na mbeshtesin, se per vitin ne vijim do te kishim surpriza te reja. Njera prej tyre, shpresojme e pelqyer dhe e vleresuar nga publiku yne, eshte edhe lajmi i shitjes se biletave online per ndeshjen Shqiperi – Armeni, 29 Mars, ora 18.00 ne Elbasan Arena.

Kjo eshte hera e pare qe FSHF zbaton nje sistem te tille per rezervimin dhe blerjen e biletes. Avantazhet e saj jane te shumta. Ne fakt, me shume sesa “shitje biletash”, per ne eshte nje event i tere qe duhet organizuar dhe menaxhuar , padyshim nder me gjigandet qe organizohen çdo vit ne Shqiperi.

Per kete ndeshje (dhe per te tjerat ne vijim), ndryshe nga shume ndeshje te tjera, ne kemi ndermarre masa te “personalizuara” per kategorite e ndryshme te publikut. Eshte bere nje komunikim i dedikuar me shumicen e kompanive te botes se biznesit shqiptar dhe te huaj te pranishem ne Shqiperi. Gjithashtu po vijon komunikimi me grupet e tifozerive te cilat vijne ng ate gjitha anet e Shqiperise dhe te rajonit perfshire ketu Kosove, Maqedoni dhe Mali i Zi. Kesaj i shtohet me ne fund edhe mundesia e blerjes se biletave online.

Venue

Vendi-Venue-Sede:
Elbasan   -   Website
City:
Elbasan
State:
Shqiperi
Country:
Country: al

Description

Historiku i Qytetit të Elbasanit

Historia e trevave të Elbasanit e ka zanafillën e saj në shekullin e II-të p.k. me vendbanimet e hershme ilire. Në shekullin e II-të qyteti njihet me emrin “SKAMPA” e më vonë me emrin  “SKAMPINI” në varësi administrative të Durrahut. Duke qënë i vendosur në kryqëzimin e rrugëve Veri – Jug dhe Lindje – Perëndim, ai ka shërbyer si pikë e rëndësishme kalimi dhe si stacion i rëndësishëm, duke u përmendur si qëndër urbane, ushtarake e peshkopale. Pas bllokimit të rrugës Egnatia nga dyndjet e barbarëve, qyteti nuk përmendet më dhe njeh shkatërrimin e tij gjatë migrimit sllavo – bullgar diku nga shekulli VI - VII.

Gjatë pushtimit turk të Shqipërisë, pas disfatës që pësoi në rrethimin e dytë të Krujës, Sulltan Mehmeti II-të, në kthim e rindërtoi kalanë e vjetër, për t’a patur si pikë mbështetje të mëvonshme. Në vitin 1466 qyteti mori emrin Elba-san.

Ai shpejt u zhvillua si qendër e rëndësishme strategjike, administrative, ushtarake dhe ekonomike e Shqipërisë së mesme. Zejtaria dhe tregtia mori përsëri një zhvillim të dukshëm duke shtrirë lidhjet dhe ndikimin në tërë zonat përreth. Një zhvillim të ndjeshëm mori arti postbizantin i përfqësuar nga mjeshtri dhe piktori i madh Onufri i Neokastrës (Elbasanit), i cili krijoi një art kulminant ku spikat me forcë të veçantë gërshetimi i shkëlqyer i gjeniut me traditën vendase. Si vepra të tij, të trashëguara deri në ditët tona, janë afresket dhe ikonat e kishave të Shelcanit dhe të Valshit të mesit të shek. XVI. Vazhdues i veprës së Onufrit përmendet Kostandin Shpataraku. Një zhvillim të vrullshëm mori  qyteti i Elbasanit në shek.  XVII me krijimin, organizimin dhe  funksionimin e 60 llojeve të  zejeve në 45 Esnafe. Vlen të përmendet në këtë kohë “Kodiku i Esnafeve të Tabakëve”, 15 Maj 1658, i cili konsiderohet  ndër  më  të  vjetrit në Ballkan.

Në dokumentacionin e kohës, dëshmohet se në mesin e shekullit të XVII, Elbasani kishte 2000 shtëpi, 900 dyqane, punoheshin lëkura, leshi, mëndafshi, metalet e sidomos argjendi.

Prodhimet e qytetit të Elbasanit gjenin treg shitje si brenda dhe jashtë vendit. Këtë e dëshmon fakti që Turqia në dy ekspozita ndërkombëtare në Paris në vitin 1867 dhe në Çikago në vitin 1894 krahas artikujve të tjerë të artizanatit ekspozoi edhe pushkët, pistoletat dhe silahet e prodhimit shqiptar të Shkodrës, Elbasanit, Prizrenit, etj. E rëndësishme është se Elbasani shquhet për organizimin e panaireve. Panairi i parë është ai i vitit 1381 i pasuar me të tjerë në periudhat e mëvonshme.

Në këtë kohë Elbasani shquhet si qendër e fuqishme arsimore dhe kulturore me përpjekjet që bënë Bugomili (anonimi i Elbasanit), Dhaskal Todri për përhapjen e gjuhës e të shkrimit shqip. Në epokën e Rilindjes Kombëtare Shqiptare zë një vend të rëndësishëm Kostandin Kristoforidhi, autor i abetares shqipe, fjalorit gegërisht dhe toskërisht, i cili konsiderohet si babai i gjuhës shqipe.